ESKOLA, JOLASAK, UDA, GARIA, GURDIA, KANTATU, UDALETXE, SOKA

Goizetan, eskolaz gain, asko jolasten zuten lagunartean. Adibidez, euria egiten zuenean, kromoekin jolasten zuten udaletxeko sarreran, baita txapa eta sokarekin ere, azken hau banaka edo taldean. Udaran, soroetatik belarra edota garia ekartzeko gurdiak egoten ziren, negukoak baino luzeagoak zirenak, eta “txirrintxonketan” deitzen zioten jokoan jolasten ziren. Ume bat puntan ipintzen zen eta gainontzekoak atzean, eta haien artean altxatzen ibiltzen ziren. Bitartean, kanta bat abesten zuten: “Txirrintxonketan, Sanferminetan, hor aldiko, halako aldiko” eta ondoren, hogei arte zenbatzen zuten, kolpeak ematen zituzten bitartean.