NAFARROAKO ondare materiagabearen ARTXIBOA

Nafarroako dantzen Atlasa - Atlas de las danzas de Navarra

  • Nafarroako Dantzen Atlasa.
    Web gune eta atlasera sar zaitezke beheko estekan edo irudietan sakatuz

     

    Atlasaren web gunera sartu

    Ortzadar taldearen web gunera sartu

     

    Geokokatutako dantzen atlas bat

     

    Nafarroako Dantzetako Atlasa Ortzadar Elkarteak dantzaren ikerkuntza etnografikoarekin duen konpromezutik jaio da. Atlas honek Nafarroako dantza tradizionalaren erregistroan eta monitorizazio sistematikoan, eta bere sustapenean, balorizazioan, transmisioan eta indartzean laguntzeko helburua duelarik.

    Egitasmoa

    Ondare Materiagabeari buruzko Folkolorearen Jardunaldiak (Ortzadar, 2002) kontzpetu berri honenganako lehen urratsa bilakatu ziren eta, jada 2008an, aurrean duzuen proiektuan lanean ziharduten: "Nafarroako Dantzaren Atlasa". Atlasa “Nafarroako Dantza Tradizionalaren Behatokia” izendatu dugun asmoa handiagoko proiektuaren baitan dago, helburu nagusi gisa, adierazpen koreografikoen monitorizazioa duena, era horretan hauen bilakaera eta bizirauteko arazoak bildu eta ezagut daitezen.

    Helburuak

    • Adierazpen koreografikoen inbentario eta identifikazioa. Ildo horretatik dokumentu eta bibliografia ikerkuntza gaitza egin da, eta egiten jarraituko da.

    • Dantza tradizionalaren ikerketa eta hedapena. Atlasak gune erabilgarri bat izan nahi du, hala dantzan adituak direntzat eta zehazki bere irakaskuntzan dihardutenentzat, nola edozein arrazoi dela eta inguratzen zaion publiko orokorrago horrentzat.

    Elkarlana eta parte hartzea

    Ortzadarrek Atlas hau abiatzen du era irekia batean, dantzari lotuta dauden bestelako agente sozialak (norbanakoak, taldeak edo erakundeak) gehitzen ahal zaizkion eran, euren laguntzarik gabe dokumentazio-zentru hau sortu eta mantentzea ezinezko litzatekelarik. Nafarroako Ondare Materiagabearen Artxiboarekin ematen den elkarlana, zeina Nafarroako Unibertsitate Publikoan den, elkarrekin ekiteko gogo horren islada da, aldi berean biziraupenaren eta potentzialitatearen bermea delarik.

    Fitxak eta dantza zikloak

    Ortzadar Euskal Folklore Elkartea gogor aritu da ikerketa lanetan, landa lanetan eta dokumentazioarekin Atlas hau egiteko.

    Identifikazioa

    Lehenengo lana Nafarroa Garaia eta Behereako dantzen inbentarioa osatzea zen. Horretarako, ezinbestekoa zen identifikazioa eta errolda egitea. Zerrenda edo errolda bat egin zen, bibliografian zein sarean (etnografia birtuala) ikertzearen ondorioz. Hala, 550 dantza identifikatzera iritsi zen.

    Dokumentazioa: fitxa baten prestaketa

    Fitxa prestatu ahal izateko, Espainiako Ondare Kulturalaren Salbaguardiarako Plan Nazionalak (2013) eginiko fitxa oinarritzat hartu zen, Julio Caro Baroja Museo Etnologikoak eta, beraz, Nafarroako Gobernuak hartutako berbera. Hain orokorra den aipatutako fitxa dantzaren esparrura moldatzeko, Kepa Fernandez de Larrinoak bere euskal dantzen inbentarioarentzat prestatutako fitxak, Nafarroako ondare materiagabearen Artxiboaren ekarpenak eta Ortzadar talde beraren iradokizunak baliatu ziren.

    Fitxaren alorrak

    Haintzat hartutako alorrak hauexek dira: Fitxa Teknikoa (izena, bestelako izena, azalpen laburra, herria); Noiz (data, aldizkakotasuna); Ziklo honetan dauden dantza motak; Zein zikloren barnean den; Ziklo hau osatzen duten dantzak; Non (tokia, ibilbidea, geokokapena); Azalpena (azalpen zabala, azalpen historikoa, parte hartzaileak-dantzariak, bestelako parte hartzaileak, harremana duen beste ondareren bat, iraupena); Janzkera; Musika (musikariak, soinu tresnak, audioak, grabaketen egilea, partiturak, garapena); Lotutako dokumentazioa (dokumentu gehigarriak, berriemaileak, bibliografia, estekak); Transmisioa eta babes-neurriak (transmisioa, transmisio era, iraunkortasun bideak, diagnostikoa). Adibide eredugarri bat ikus daiteke: Lakuntzako Alkate dantza

    Dantzak sailkatzea

    Erroldatutako (alaba fitxak) 550 dantzen adierazpenek kriterio anitzak sortuarazi dituzte beren sailkapenaren tenorerako. Laburbilduz, 72 dantza ziklotan sailkatuak daude (ama fitxak). Eskuineko irudiak dantzen bilatzailera garamatza.

    Dantzaren behatokia doako web gune batean

    Proiektu honen bidez, dantzak Nafarroa Garaian eta Beherean izan duen bilakaerari so egiteko tresna baten ezarpena erdietsi da.

     

    Fitxa baten eredua

Página Web, Inventario, Danzas, Centro De Documentación
Investigación en Navarra y Baja Navarra